ՎՍՀ-ում Հայաստանի Հանրապետության դեսպան Վահրամ Կաժոյանի մասնակցությունը Ռուսաստան-Վիետնամ EXPO 2019 ցուցահանդեսի և հարակից բիզնես ֆորումի աշխատանքներին:

14 նոյեմբերի, 2019

2019 թվականի նոյեմբերի 14-16-ը Հանոյում կայացավ Ռուսաստան-Վիետնամ EXPO 2019 ցուցահանդեսը և հարակից բիզնես ֆորումը՝ որի բացման հանդիսավոր միջոցառմանը և հետագա աշխատանքերին մասնակցեց ՎՍՀ-ում ՀՀ դեսպան Վահրամ Կաժոյանը։

Ցուցահանդեսի շրջանակներում դեսպան Կաժոյանը հանդիպել է ցուցահանդեսի ռուսական կողմի կազմակերպիչներ «EXPO-RUSSIA» կազմակերպչական կոմիտեի նախագահ, Դավիդ Վարթանովին, Ռուսական արտահանման կենտրոնի /Russian Export Center/ փոխնախագահ Դավիդ Օգանեզովի և «EXPO-RUSSIA»-ի Միջազգային համագործակցության տնօրեն Անատոլի Նիկոլայեվի հետ։ Այս նույն խումբը նաև զբաղվում է 2020 թվականի հոկտեմբերին Երևանում կայանալիք Ռուսաստան-Հայաստան 2020 EXPO-ի կազմակերպմամբ։

Մասնավորապես զրուցակիցները ՀՀ դեսպանի հետ կիսվել են վիետնամական կողմի հետ առևտրական միջոցառումների և գործարար համաժողովների կազմակերպման փորձով և դրանից բխող առանձնահատկություններով, ինչպես նաև քննարկել են ԵԱՏՄ-Վիետնամ ազատ առևտրի պայմանագրի շրջանակներում ՀՀ դեսպանության հետ հնարավոր համագործակցության ծրագրերը Հայաստանում և Վիետնամում։

ՀՀ ԱԳՆ
պաշտոնական կայք

Երկքաղաքացիություն

Էլեկտրոնային վիզա

Արտոնագրի ձևեր